Nuffnang

Saturday, April 20, 2013

Bagong uusisain: Blog ni AJ Perez

Nakita ko lang sa FB yung link papunta sa artik niya - sulat para sa ex ni Janine Tugonon. Nakakatuwa siyang basahin. Hindi mo siya titigilan. At sa post na ito, na-emo ako. Luha kung luha. Ang galing, pramis.

http://blog.ajperez.org/


Ang tawag daw ron ay salvation

"Maraming kumakalat na bali-balita, na ang kaligtasa'y madaling makuha."

Kahit noong bata pa ako, at kahit ngayon na bata pa rin naman, hindi ko naintindihan (ever!) ang obsesyon na "maligtas." Hindi ko masakyan yung takot na magkamali dito - ngayon - dahil ang kabayaran ay nasa kabilang buhay. Eh patay ka na, paano mo pang mararamdaman na mainit ang dagat-dagatang apoy?

Kanina, medyo na-gets ko yata ito finally. Binibisita ko ang aking mga halaman at napansing humahabol na naman sila sa paglago ng kilay ko. Lalo na iyung mga oregano. Gusto kong putulin ang mga sanga na lagpas na sa paso - para ilipat sa iba pang paso. Kaso, naisip ko, lilipat na kami ng bahay bago matapos ang taon. At sa bahay na iyon, wala pang kasiguraduhan kung may paglalagyan ng halaman. Dahil diyan, ipanagpasa-kung anupaman ko na lang ang kahihinatnan ng mga obese kong oregano. Noong isang araw naman, sininop ko ang mga burloloy ko sa katawan. Mga necklace, bracelet at hikaw. In preparation for the big move, nilagay ko na sila sa mga matibay na kahon.

Siguro, ganun ka-wild ang paniniwala ng mga utaw na nagdedeliryo sa kabanalan. Ayaw, takot, ingat sa paggalaw kasi may listahan na sila ng mga dahilan para ma-disqualify sila sa langit. Sigurado sila, gaya ng sigurado ako na lilipat na kami ng bahay. Eh pero pano sila sure? Kami may pinirmahang kontrata. Sila ba merong hawak na dokumento? Ang Salvation Suki Card ba nila ay may malinaw na terms and condition? Basta ang alam ko lang na meron sila ay tinatawag nilang faith. Iyun daw iyon.

Ay ewan. Ang punto lang naman ng post na ito ay maalala na finally ay naintindihan ko na ang obsesyon sa bukas na ni hindi mo alam kung nasaan. Habang sa pakiramdam ay naintindihan ko na, mas lalo ko pa ring   hindi naintindihan. Eto na kaya ang signs of wisdom? Charot!

Wednesday, April 17, 2013

Alin ka rito?

Click to view larger image













Sunday, April 14, 2013

Bakit ayoko na maging mataba

Alam kong maraming problema ang mundo pero ibalato na ito sa akin. Simula pa noong nalaman kong ang mga pantalon ko ay sa fat zones na lang pwedeng mabili, hindi na nawala ang obsesyon. Ayoko na. Ayoko na maging mataba.

Walang dapat sisihin kundi ako. Wala akong exercise, matakaw ako sa kanin. Ang almusal, meryenda, tanghalian, meryenda, hapunan at meryenda pa ulit ay laging kanin. Hindi ako nabubusog kapag hindi kasama sa menu ang extra rice.

Hindi pa abot ng kamalayan ko ang health risks ng pagtaba, pero alam kong pwedeng mangyari ang pagtaas ng presyon, heart attack at kung anu-ano pa. Kailangang aminin na ang obsesyon na ito, sa ngayon, ay mula sa purely cosmetic reasons.

Disclaimer: Kung mataba ka at hindi mo ito problema, I'm so happy for you. You, my adorable big woman idol, are free. Just don't judge. I may find your bliss somewhere, sometime...

Image Source: http://thecurvygirlsguidetostyle.tumblr.com
























1. Gastos sa damit

Kung bakit kasi ang presyo ng damit ay directly proportional sa dami ng tela na gagamitin para balutin ang mga bilbil at gumawa ng optical illusion na hugis tao ka pa rin kahit sa totoo ay isa kang naglalakad na higanteng bote ng mineral water.

Kung bakit din kasi, sa kagustuhan ng mga negosyante na alagaan ang mga matatabang market ay panay din naman ang taas ng presyo ng kanilang mga paninda. Hindi porke't mataba at maraming access sa pagkain ay marami ring pera.

























2. Mga damit na may binabagayan

Oo na, oo na. Kung tunay kang mulat na babae ay dapat alam mo na fat is beautiful. Pero aminin nating lahat na may mga yari ng damit na may binabagayan. Kapag naka-sleeveless, maaaring may mga tumawag ng pulis dahil parang may kaaway ang mga lawlaw na braso. Ang mga pantalon, kahit kasya na sana, ay nagmumura sa bandang puson. At natatakot kahit si Thor sa potential ng naglalakihang pata. Bakit kasi nalaos ang Rubenesque. Hay.

Image source is here



















3. Mga lalake

Or isang lalake. Na gusto mong angkinin. Iyong kahit may makitang sexy, ang sasabihin ay --- mas sexy jowa ko dyan! Kahit pinipilit niyang maging mabait at sinasabi niya araw araw na ikaw ang nag-iisang hot one sa kanyang universe, alam mo namang hindi ito supported by empirical data.


Image source is here

















4. Mga tao

Kahit mataba, namimintas ng kapwa mataba. O e ano ngayon? Masakit yon. Masakit. Kasi alam mong ikaw ang may gawa ng iyong timbang. Di tulad ng ibang disability na gawa ng Diyos, ang bilbil ay gawa ng tao. Kaya masakit.

Image source is here


















5. Mahirap kumilos

Aakyat ka lang ng mataas na hagdan, para kang sumusunod sa tawag ng kabilang buhay. Hindi ka pwedeng makipag-horseplay sa mga kaibigan kasi kakapusin ka ng hininga o kaya babaha ng sebo. Hindi ka rin pwedeng gumaya sa mga Koreanovela na bigla na lang pumapasan sa lalake ang mga babae kapag lasing or nalulungkot. Katapusan na ng lover boy mo kapag kinarir mong magpakarga.

At iyan, mga kaibigan, ang limang dahilan kung bakit ayoko na maging mataba. Please pray for me. Sa susunod na post ay akin namang pag-iinitan ang mga babaeng parang shredder kung lumamon pero hindi tumataba. Mga traydor.