Nuffnang

Friday, August 23, 2013

For the road!

Image Source: nitrocellulose.net





























Pitong araw na akong walang kape! Okay naman ako. Walang withdrawal to date. Inaabangan ko pa. Wala pa rin naman akong nabubulyawan (kasi nagyoyosi pa ako huhuhu).

Hindi ko gawaing makipaglaro sa Diyos. Pero kapag pala desperado ang tao, talagang nagkakaroon ng bonggang audience impact ang OPM (Oh Promise Me). Sakto sa marubdob na depresyon ang naging kwentuhan namin ni Hot Momma I. May nakapagsabi raw sa kanya na minsan, magandang subukan na mag-sakripisyo para makuha ang dinadasal. Umisip daw ng mga mahalagang bagay, bisyo, pagkain, tao, hayop, etc., sa buhay mo. Tapos ialay mo. Wala akong maiaalay na birhen, saka hindi na yata uso iyon. Kaya naisip ko na para makapagsalita na ang aming Little One, hindi na ako iinom ng kape.

E bakit kape? Bakit hindi yosi? Kasi yung yosi naman ay inalay ko para sa isa pang hiling. Saka ko na isusulat kung anong resulta. At saka lahat ng friendly taong pugon sa iyong neighborhood ay sasabihin ito ng may ngiti sa labing maitim - ang kape at yosi ay soulmates. Pag nagsanib yan, ibang level ang sarap. So kapag wala na si kape, mabilis na rin siguro (sana!) ang pagsunod ni yosi sa hukay.

Anyway, successful naman ako sa no coffee lifestyle. For the past seven days. Kaya naisip kong itodo na rin ito. Any colored and flavored drink na unhealthy ay hindi ko na gagalawin. Pero siyempre, matalino si God. Kaya dapat specific din ako sa mga exception.

~ Fresh Juice
~ Gatas (hindi kasama ang chocolate drink kasi masarap yun sa akin)
~ Yogurt Drinks

In summary, lahat ng masarap lang sa bunganga at sa kaluluwa pero salbahe sa katawan ay bawal na.

Ang huling intake ko ng makasalanang mga inumin ay nangyari na kagabi. Gulaman kasama ang mga ex-team mates-friends. At saka yung napakalapot na Hershey's Dark Choco Loco drink na nakakaloka (galing sa 7-11) with Hot Momma I... Bilang ilang taon kaming di nagkasama.

Sana ay mawagi ko ito. At sana, totoo nga na may himala.

Thursday, August 22, 2013

Hindi lang pag-abolish ng pork barrel, ito rin.

Ako ay sinuwerteng pinalaki ng mga leader na nagturo ng isang ginintuang aral: kung may reklamo ka, bago ka pa magreklamo dapat buo na sa isip at puso mo kung anong gusto mong mangyari. Sa corporate world, at least dun sa mga kumpanya na nagi-invest sa masinop na performance management process (and therefore effective coaches dapat ang mga bossing), sikat na sikat na feedback method ang STAR or STAR/AR.

STAR - Situation/Task, Action, Result
STAR-AR - Situation/Task, Action, Result, Recommended Alternative Action to achieve Alternative Results

So kung dadalhin natin yan sa isyu ni Napoles.

Situation Task - Required kaming mga empleyado na magbayad ng buwis. Lahat ng consumer may binabayarang kung anu-anong VAT sa bawat labas ng pera.
Action - Dinadala niyo sa kalokohan ang tax remittance
Result - Naghihirap ang Pilipinas (more recently, nadidisgrasya ang mga Pilipino pag may trahedya)
Alternative Action - i-abolish na ang kinginang pork barrel na yan
Alternative Result - wala na kayong nanakawin

Pero nakukulangan ako. Eto pa ang karagdagang Alternative Action na gusto ko, bilang taxpayer. Dalawa lang ito kasi yung mga iba, social overhaul ang prerequisites. Dalawa lang. Sabi nga ng kumakalat na social media shout out...

I am Yummyliciouslady. Pinoy Ako. 
I pay my taxes on time, and in full.
YOU, my government, owe me an explanation.
And these too!

Customer/Filipino-Centric Government Services

- kapag kailangan kong dumalaw sa government offices para sa kung anong requirement, kailangan kong magbuwis ng tulog o kaya-mag leave. Kasi ang tagallll ng mga proseso. O kaya naman, kasi gabi ang pasok ko at dapat ay tulog ako sa araw. Gusto kong lahat ng citizen-facing branches of government ay bukas 24/7. Ok, sige sabihin na nating masyadong mahirap yan, at least 9/7. Siyam na oras sa isang araw, araw-araw. Kasi po, yung mga may trabaho ay di makakilos ng Monday to Friday. So sa weekend kami kakarir ng kung anu-ano. Walang sinasabi sa labor code na dapat ay Monday to Friday lang ang pasok. Walang malalabag na batas basta 45 hrs per week pa rin ang ipinapasok sa trabaho ng government employees. Forecasting lang yan. Hindi Calculus.
- dagdag example lang ulit. Taas ang kamay ng nakagamit na ng Philhealth sickness benefit? Naka-confine ka na, iisipin mo pa kung paanong pupunta sa Philhealth para kumuha ng Member's Data Record. Ang proof of contribution, ibibigay ng employer pero ang katibayan na Philhealth member ka, ay kunin mo sa Philhealth. Deadma kung naka-wheelchair ka. Gawa ka ng authorization letter kung naigagalaw mo kamay mo at ipakisuyo sa kamag-anak o kaibigan.
- turuang maging makatao ang mga government employees. Kung makapagmando ang mga yan ng customer, kala mo pinsang buo ni Obama. Excuse me. Kami nagpapasuweldo sa inyo. Magsi-ayos kayo. Isama sa performance management process (na wala sila ngayon!) nila ang Customer Service delivery. Ay naku mga ma'am at sir. Katok lang kayo sa BPAP. Ang dami-daming training na pwedeng ibigay sa mga tao niyo.
- gawin nating paperless ang mga transaction na pwede namang gawin na online. Sa SSS pwede na ngayong mag-online loan application. Sa Census, pwede na mag-request ng mga dokumento na hindi kailangang mag-camping sa mga satellite offices. Kaya kung gusto. Again, kung gusto may paraan. Kung ayaw, may dahilan.
- Centralized Records Keeping and Management - alam niyo ba kung gaano katagal mag-ayos ng papeles pagkatapos ikasal, manganak o kahit mamatayan? Ako na ang magbabayad ako pa ang gagapang sa lusak para lang maging responsableng mamamayan.


Inhouse OFW Benefits

Ang daming benepisyo ng mga OFW. Kasi nga naman, dolyar o kung anong foreign currency ang pinapasok nila sa Pilipinas. Tapos ang layo nila sa pamilya. Ako naman nasa Pilipinas din. Pero ako, at karamihan sa amin sa BPO sector, dolyar ang pinapasok na pera sa bansa. Hindi kami miles away sa mga pamilya namin. Pero, pero, pero, gabi kami magtrabaho kasi ang mga sinusuportahan naming business ay miles away. Therefore, gising kami habang ang pamilya namin ay tulog. Ang mga call center agents, bayad man ng doble kapag holiday, malinaw pa rin na hindi nakaka-Philippine holiday. O e di para rin kaming OFW diba? So pahingi naman ng OFW benefits. Andito kami, inhouse OFWs!

Dapat Tularan (din si lola)

Hindi lang ang dalawang pulis ang dapat tularan sa larawang ito. Tingnan niyo si lola. Sa edad niyang iyon, at sa gitna ng kalamidad, hindi siya papayag na masilipan. Sa picture, kahit nakapalupot ang kaliwang braso sa parak para di siya mahulog, ang kanang kamay ni lola ay nakasapo sa kanyang puwitan. Ang kamay ay nakahawak sa bestida. Wala mang aamin na may mamboboso pa kay lola,  siniguro niyang walang magtatagumpay.

At yan ang dapat tularan ng kababaihan. Kahit anong sitwasyon, paka-ingatan ang dangal. Literally and figuratively.

From Facebook











Umaatikabong Beklog (Backlog!)

Sana ay ligtas at tuyo kayong lahat matapos ang ilang araw na hagupit ni Maring at ng habagat at ng kapabayaan ng mga dapat nangangalaga ng lahat ng butas ng Pilipinas.

Handami nang nangyari mula nung huli kong post. Flashback tayo, konti lang.

1) Nabidyo

Eto. Anong masasabi niyo sa Sex Scandal ni idol at ng kanyang binibini? Well, unang una, hindi ko alam na may bago na pala siyang jowa ah. Kala ko after K.A. ay nanahimik muna si lolo sa kawalan. Yun pala may N.N. na. Tama naman ang sinasabi ng lahat, ang dapat lang sisihin dito ay yung malisyosong nagkalat ng video. Consenting adults naman silang dalawa at walang bahid ng "napipilitan" lang sa kanilang mga actions. Napanood ko. Uhm, sana hindi. Ngayon tuloy, hindi pa akong handang marinig muli ang "Don't Touch My Birdy." Ayun pala ang nangyayari. Kyut nitong pekatyur o. Kaklase ko yan dati. Hindi yan si C. Ang galing lang ng pagkakagaya niya kaya kinuha ko sa Facebook.Hindi ako nagpaalam, wag niyo gamitin please.
























2) Nababoy

Eh ito naman? Ay naku naku naku... mahabang usapan yan. Sasama ka ba sa August 26? Ako hindi. Kasi risky. Pag nagkapukpukan, may anak at asawa akong maiiwan. Pagdadasal ko na lang na magtagumpay ang mga matagal nang tinotorotot na mga taxpayers. Pwede rin kayang mag-economic strangulation tayo against the government? Lahat ng registered businesses ay hindi magre-remit ng tax hangga't hindi natin nakukuha ang mga gusto nating mangyari? Handa ba tayo? Parang hindi. Pero parang sa ganitong laro lang mababaldado ang mga nanggigipit sa atin. Yun nga lang, dapat lahat, lahat, lahat! Kung may isang hindi sasali, eh wala na. Kay Vicky Morales lang tayo pwedeng humingi ng tulong. Hilingin natin at sabay-sabay tumunganga kung anong mangyayari.














3) Nabagyo

Ang Pilipinas, lagi na lang kawawa pag may kalamidad. Iba't ibang level nang pang-aapi nga lang. May mga nawalan ng bahay, ari-arian at buhay :(. May mga empleyadong tinuturing na sirena ng sistema. Wala nang pasok ang mga estudyante at government employees pero ang mga nasa private eh "business as usual." Buti na lang nasa kumpanya akong mabuti at makatao. Eh yung iba, parang mga gago. Hindi ko na expound. Baka bumaha ulit.

4) Namanata

Ako lang yan. May dalawang bagay akong kailangang kailangang makuha. Yosi at kape ang ginawa kong ransom. Sabi ko pag nakuha ko yung isa, hindi na ako magyoyosi ever. Yung isa naman, hindi na ako magkakape. Actually baligtad pala. Hindi na ako magyoyosi at magkakape para makuha yung dalawa. Semplang na ako ron sa isa. Yung sa kape, hindi pa. At mahaba pa ang mga araw, baka naman kaya ko pa pareho. Pakisama na lang sa inyong mga prayers.

Ayan. Updated na ako. Hanggang sa muli. Stay safe and dry guysh!