Noche Buena Mano

Hindi ako nagbabasa ng blog ko pero ako ang nagsusulat kaya sigurado ako na mga 100 times na ako nagkaroon ng post na ganito ang tema. Sa totoo, scheduled post ito. Hinahanda ko na rin ang aking sarili para sa mga gusto kong gawin forever at sisimulan sa December 23 (unang araw na wala akong pasok ngayong yuletide season). Gagayahin ko yung START-STOP-CONTINUE tapos lalagay ko ang help needed para may ambag ka naman sa ekonomiya ko.

START

• Magbasa ulit ng libro. Minimum of one book per month
• Swimming, thrice a week.
• 24-hour fasting. Once a week.
• Saving some money from my 10-25 payday allowance. Minimum P50 per week.
• Sending one email per day to Sir_Ko

STOP

• Smoking
• Drinking coffee and all colored and flavored drinks (except pag may manlilibre or pag may espesyal na okasyon)
• Extra rice

CONTINUE

• Blogging. Minimum of three posts per week.

HELP NEEDED

• Don't think that I've changed kung hindi muna ako sasama sa mga yosi-kape-inuman sessions until stable na ako.
• Don't make me spend on unplanned shit. Nakakagulo sa budget ko.
• Support me. Remind me about this post kapag nate-tempt akong gawin yung mga nasa "STOP." Pero be gentle. Masama ang ugali ko kapag binabraso ako. Yung isang stick kaya kong gawing isang kaha yan.
• Patience. Baka mag-beast mode ako.
• Prayers.

Rogue

"Let your body move to the music."

Achievement Unlocked

Kung may computer o laptop na naka-assign sa iyo sa trabaho, alam mo yung pakiramdam na ang daaaami mong gustong gawin pero hindi mo magawa. Sa akin, walang problema kung may blocked websites kasi magagawan iyun ng paraan. Ang ayoko sa lahat yung hindi mapalitan ang windows image kapag naka-lock ang computer o kapag bagong bukas. Like this.

Pero kagabi, nagkaroon ako ng panahon na kalikutin si Ate V (my work laptop). May nahanap ako na easy steps to follow para makalampas sa blue screen. Disclaimer muna: may administrator access kami sa laptop namin kaya nagawa ko ito. O, okay na tayo? Presenting... my brand new wallpaper. Yan na ang lumalabas pag bagong bukas o pag ni-lock ko ang laptop. Hihiii...

Ang problema ko lang ngayon, ganadong ganado ako pero bakasyon na. Haha! Joke lang. Siyempre gusto ko ang bakasyon. Pero seryoso ako sa parteng ganadong ganado akong mag-trabaho. Ikaw ba naman ang i-welcome ni Lola Madonna kada magtatrabaho ka o.

Inggit ka ba? Check mo rito kung paano. At kung kailangan mo ng tulong ko, leave a message with your contact details and I will help you. Pero hep-hep-hep... bago ang lahat, uulitin ko. Dapat may admin access ka kasi kung wala, eh nga-nga!

Puro na lang hugot, pasok naman please.

Nasira ang barista robot kanina lang. Sinusubukang ayusin ng mga tao sa tindahan pero ayaw talaga magtino. Nagtanong na ang kahero.

"Cancel na ba o hihintayin niyo maayos?"

Nagpaka-bibo yung kasabayan kong naglalaway sa kape.

"Sanay naman akong maghintay."

Nagkagulo na. Tawanan, kantiyawan, tapos ang pinakamaingay na salita ay "HUGOT."

"Ang lalim ng hugot ni sir ah!"

Bigla akong nainis. Hindi ko alam kung dahil lang ito sa caffeine deprivation, pero naisip ko lang bigla na balang araw, mamamatay ang mga salitang gaya ng:

• Niloloob
• Saloobin
• Kinikimkim
• Dinaramdam
• Piping pagnanasa
• Piping paglingap

Nalungkot akong bigla. Sa sobrang bisaklat sa pakiramdam ng mundo ngayon, lahat na lang nilalabas at ginagawang katatawanan. Don't get me wrong. Nakikitawa din ako sa mga hugot lines na yan. Actually, libangan ko ring gawing pang-heartbreak city ang mga konsepto sa trabaho. For example, nung trainer ako sa isang travel account naimbento ko ang catch phrase na "I'm a chance passenger in your overbooked flight." Pero hindi ko sinasagad, kadalasan tulong ko lang sa sarili ko para maalala ang mga bagay.

Awat na sa hugot, mga kababayan. Baka malimutan na natin ang tunay na ibig sabihin ng masaktan, maiwan, magmahal at mag-alinlangan. Magtira tayo ng mga "feels" para sa atin, para sa mga makata, artista, pintor at manunulat. Hindi puwedeng masaya tayo lahat. I'm sorry, hindi talaga puwedeng tatawa lang nang tatawa. Hindi puwedeng nagtatago lagi sa "hehe"para kunwari cool.

At higit sa lahat, laging tatandaan. Ang hugot ay abala sa sarap. At wala ng mas sasarap pa kapag nadurog ka at nabuong muli.

Bugbugan sa Vogue

Ito yung classic na music video ng Vogue. Parang walang kahirap hirap si Lola sa mga galawan niya dito pero kung Madonna fan ka, alam mong there is no such thing as maskipaps (maski papano) steps sa Lola natin. Bawat hakbang may bilang, bawat kampay ng kamay, parang magic. Itong si Madonna, ang mga kamay at paa niya ang tunay na PRECISION TOOLS. Ayaw maniwala? Tingnan ang sumunod na video. It's 30 minutes of OMG.

Salamat kay Masikip na nakahanap ng outtakes.



Napagod ako rito.