Isang bruskong puting mamahaling auto ang tumigil sa umpukan ng mga manong school bus driver kanina. Sinabayan ng pagbara sa kalye ng sasakyan ang malakas na pagbusina. Lapit ang isang kuya, bumukas ang bintana. Hindi ko masyadong narinig ang pinag-usapan. Nauulinigan ko lang ang mataray na boses babae at ang rosaryo ng "opo ma'am, sige po ma'am, opo, opo, opo." Maya-maya, lulugo-lugong bumalik ang kuya sa umpukan.
"Wala man lang condolence. Ang bungad pa sa akin, bakit daw ang tagal kong di pumasok."
Namatayan pala ng magulang si kuya. Sabay sa lamay ang hagupit ng bagyo at baha. Pinuproblema niya ngayon ang pampalibing. Narinig kong sinabi nung kuya na namatayan siya, anong klaseng tao ang hindi man lang makikiramay at didiretso sa sermon? Genetic disorder ba yun?
No comments :
Post a Comment
Yum-ment!