Hindi ko alam kung anong comprehension bug ang kumagat sa akin pero matindi ito. Excited na akong grumaduate sa Phase 2 ng South Beach Diet sa Monday. Buong akala ko, ang Phase 1 at Phase 2 ay tig-14 days lang. Yun pala, ang Phase 2 ay magtutuloy-tuloy hanggang hindi mo naabot ang iyong target timbang.
Pinanghinaan ako ng bilbil. Sa ilang subok na pumayat, parang ang trend eh hindi naman talaga ako pumapayat. Liliit ng kaunti, gagaan ang pakiramdam pero bilugan pa rin pagkatapos ng lahat. Hanggang ibaling ko na lang ang frustration sa pagkain.
Eh ganun eh.
Pero hindi naman maganda ang sumuko. Kaya sige, game. Fight kung fight. Sa totoo e wala naman akong pakiramdam na ako'y api (kahit maraming bawal). Ang matrabaho lang naman sa SBD ay ang pagpaplano ng pagkain at saka paghanap ng pagkain kapag hindi ka prepared at inatake ng gutom. Naiinip lang akong isipin kung gaano katagal ang matagal. At saka ang dream timbang ko ay 100 lbs. Eh ilang taon kaya yun? Sige na nga, dun na lang ako sa parang mas realistic na timbang. 125 lbs. Yan yata ang timbang ko sa unang pre-natal check-up noong 2008.
159 lbs today. Therefore, 34 lbs ang bubunuin.
Oink, oink, oink...
No comments :
Post a Comment
Yum-ment!