Napalabas ka na ba ng online classroom?

 May teacher ang isang anak namin na sensitive sa ingay. Ngayon lang ay nag-pass the message siya kay bagets-who-shall-not-be-named na lumabas raw kami ni George ng kuwarto. Hindi naman umiiyak si George, gumagawa lang siya ng happy sounds habang naglalaro sa tabi ko. 

Naalala ko nung napalabas ako ng isang teacher namin nung high school. Three days niya akong hindi pinapasok sa klase. I still maintain na dahil iyon sa isang subconscious thought bubble na nakawala nang bonggang bongga. Isinigaw ko sa klase na "andyan na si ma'am <insert pinaglaruang surname here>!!!!!" Bilang warning sa mababait kong classmates. Aba, first time pa lang narinig sa earth yung version na yun ng apelyido nya, hindi ko yon pinlano. Si Miss Sibolboro nga na pinagtawanan ang latina apelyido kong Rabanal ay ni hindi ko binalak kantiin ang apelyido eh. Innocent talaga ako. 

Anyways, itong online classroom nasa realm siya na walang masyadong nakakakilala pero nakakulong pa rin yung mga device at tao na gumagamit sa kanya sa physical space. Sana mas maging sensitibo naman tayong lahat sa kung ano ang nangyayari sa physical space.

Pero sa ngayon, in effect, ang sabi ni teacher ay---

"Bochogs*, out!!!"

_____

*Ang Bochog ay ugali namin at di tunay na apelyido.

#Daldalan2020 - Episode 002

 #002. Talong, Mga Tatay na Walang Asawa, Vloggers, at Dugyot na Bahay

***No faces, no editing of background noise, no mics, no scripts. It's two burned out parents (sometimes with their middle child) trying to hold decent conversations over what feels like hurried meals, everything, or nothing.***

https://youtu.be/CJSjManHQVc

#AcademicFreezeForMentalHealth

 Hindi mura at hindi madali mag-set up ng LMS (Learning Management System) kaya hindi rin naman natin masisisi ang mga eskuwelahan kung ang lahat ay nagiging LMS - LAHAT MANUAL SUBMISSION. Pero may mga dapat na nakakaalam na sana niyan bago pa nagyabang na matagal na raw nating gamay ang online learning. Dinamay pa ni Madam ang UP na noon pa raw ay marunong na sa online. Hello sa Moodle <insert confidential emotions here>.

So ayan, kada may seatwork, quiz, exam, pipiktyuran yan ng mga magulang/caregivers/guardians tapos ipadadala sa teachers. Which is fine kung yan lang ang inaatupag namin sa buhay namin. 

Sobrang extreme ang need for proof of learning and compliance. Nung nakaraan ay kaunti akong mag-rally dahil gusto ng mga teacher na kunan namin ng picture ang aming special needs na dalaginding habang nakaupo sa toilet at umiihi.  At ipadala raw sa kanila as proof na marunong na gumamit ng banyo si bagets.  Buti naman ay umurong sila teacher noong sinabi ni Sirsts na hindi kami kumportableng gawin yon. Optional naman daw. Great, sabay delete nung isang nanay ng picture ng bagets niya na jumijingle na sinend sa aming group chat. 

Oh well. Sinong bobo kasi ang magsasabing state of calamity tayo pero tuloy ang online classes. 

#AcademicFreezeForMentalHealth

#Daldalan2020 - Episode 001

#001. Air Purifiers Try, Buy, or Bury at ang Pulbos sa Sahig

Over a very, very, very, late breakfast of biko, we talk about air purifiers. The kids are their restless and playful selves, we get interrupted a couple of times to tend to the dirty floor. I have yet to confirm this, but hubby thinks that we never get close to five minutes of peaceful talking. I am slowly starting to believe his intelligent observation.
---
***No faces, no editing of background noise, no mics, no scripts. It's two burned out parents trying to hold decent conversations over what feels like hurried meals. This is a pito-pito vlog, I'd say. I wish it sustains my interest. And... you get to give suggestions. Nameless pa siya sa ngayon. What should we call our channel?***

https://youtu.be/fIEEPiRbGNU

Biko Virgin

Perstaym sumubok gumawa ng biko at latik. All unnatural ito, baka kala niyo. Galing sa lata ang gata, walang panutsa, walang dahon ng saging. #kalma

Dapat pala ay noong kindergarten pa ako nag-aral gumawa ng latik para maaga akong tinubuan ng pasensya.

Namimiss ko biko ng mama ko. Iba pa rin ang biko ng waray.