Fourth Birthday Na!

Dahil kulang kami sa people skills at wasak ang aming schedules, hindi pa rin natuloy this year ang matagal na naming balak na kiddy party para kay TLO (The Little One). May awa ang Diyos, matutupad rin ito soon... huwag lang sanang masyadong pasaway ang tadhana at baka sa debut na mangyari ang bonggang normal people celebration.

Ang first two birthdays ni TLO, sa bahay ang ganap with immediate nuclear family (nuclear!). Ang 3rd birthday, sa Crowne Plaza Ortigas - ikaw naman kasi anak, mahal na araw kang lumabas. Nagkulong lang kami sa kuwarto, naligo sa pool at sa aircon. Itong fourth birthday ay isang tumataginting na consumerist-inspired birthday bash... dadaaannnnn... sa mall!

First stop, sa favorite place ni TLO. Powerbooks! Chance na rin itong bumili ng pangatlong Cat In The Hat at Green Eggs and Ham (and more!). Ang lakas manira ng libro ni TLO. 

Second stop, Shakey's para sa paborito niyang soup at mojos! Ito siya, (im) patiently waiting for food to be served.

Third stop, sabak sa kanyang unang sine experience. Nakakatuwa naman at natapos namin nang walang iyakang nagaganap. Nakataas pa ang paa ni ate the whole time, at home na at home sa sinehan.

Memorable photo. After nito, nilapitan kami at pinagalitan ng guard. Bawal daw
ang camera sa loob ng sinehan. Malay ba namin, di kami palanood ng sine. Tse!

Last mall stop. Gelato yum! 

Kinabukasan, hindi papayag si Dadda na walang cake. Maasahan naman ang Red Ribbon sa mga biglaang bili, kaya lang maasahan din silang makalimot ilagay ang special candle na number 4. Tuloy, recycled ang kandila. Galing sa birthday cake ko - anyways, pareho namang para kay TLO ang wish so ok na rin siguro.

Happy birthday Potling! Sana magsalita ka na, please? Kahit magmura ka agad, keri lang.