Away Kasambahay

Image source is here

Si Ate Pretty, ang aming reliable yaya na adik sa pagpapaganda at pagpapaputi, ay may kaaway na kasambahay. Nagsimula ang iringan nila sa isang Avon blouse na ayaw bayaran ni Taba (tawag niya sa kaaway). Dahil si Ate Pretty ang nagsilbing guarantor sa Avon lady, siya ang sinisingil sa blouse na ayaw bayaran ni Taba (tingin ko eh dahil hindi kasya). Sa huli, sinauli ni Taba ang blouse na binayaran na ni Ate Pretty. Mula noon ay nagkaroon na ng lamat ang kanilang friendship.

Kaninang umaga, naglabas ng sama ng loob si Ate Pretty during breakfast. Umabot na pala sa puntong nagsabunutan sila sa laundry area. Hindi ko na masundan ang kwento dahil panay na ang mura ng isip ko (tangina, bakit ko to dapat malaman!?!). Ito ang ilang nakakangilong highlight ng sabunutan:

Anonymous Kasambahay: Magbati na kayo ni Taba (sabay dating ni Taba)
Taba: O bakit, ano na namang mga pinagsasabi niyan ni Ate Pretty?!?
Ate Pretty: Bakit, sinasabi ko lang naman yung sinabi mo dun sa isang katulong na kahit lumuhod ako sa iyo, di mo ako papatawarin ah!
Taba: Sino na namang may sabi niyan?
Ate Pretty: Kahit mamatay ako, di ako luluhod sayo. Bakit Diyos ka ba?
Bell. Simula na ng sabunutan.

Nung mahimasmasan na ako, ang inabot ko na parte ng kwento ay ito --- may relasyon daw si Taba at si Milan. Si Milan ay ang patpating kuya maintenance na noong una pa man ay may hinala na akong type ni Ate Pretty. Ang siste, may asawa si Milan. At kapag si Taba ay tinutudyo nila Ate Pretty, gumagawa ito ng kwento na si Ate Pretty daw ang may gusto kay kuya (I knew it!).

Natapos ang kwento with a very mataray statement from Ate Pretty. like amo, like katulong

Ang amo raw kasi ni Taba ay isang kabit.

Nakakangilo ang buhay sometimes.